فراغ سن التقاعد والمعاش

Posted on January 27, 2018 by Marwan Messallam, One of Thousands of Life Coaches on Noomii.

مشكله ناس كتير بصراحة معارف مش عملاء.
سنهم كبير و متقاعدين وولادهم كبرو وخلاص اللي اتجوز واللي سافر. المهم هم فاكرين أن رسالتهم في الحياة انتهت ..وبعضهم قالي حرفيا انا خلاص عملت كل حاجه ومستني الموت بقى. ..
نصيحتي نفعت بعضهم وارجو أنها تنفع اكتر عدد ممكن.
طبعا ربنا يديكو الصحه جميعا. .
حضرتك زهقان ومش لاقي حاجة تعملها في حين أن حضرتك ممكن تفيد المجتمع جدا. ودي حاجه هتبسطك اكتر من اي حاجة فاتت في حياتك فمثلا:
تتجه للجمعيات الخيرية بيكون في احتياج دائم لمتطوعين لأعمال كتير جدا وأغلبها بسيط هتروح بس تقولهم انا عندي وقت فاضي وعايز أساعد. … وهتكون سعيد جدا وحياتك هتتغير تماما.
أما لو كنت ذو خبرة سابقه في التدريس مثلا نقول لغات رياضيات عربي أي ماده.
يبقي تقول انا عايز تتبرع بعمل محاضرات للغات مثلا لغير القادرين داخل الجمعيه زي رساله والاورمان أو أي جمعيه جنبك.
بالاضافه لجمعيات زي جمعيه أصدقاء معهد الأورام. بيحتاجو متطوعين كتير وصدقوني بس جربو. .
في حاجتين كمان مهما كان سن حضرتك لازم تمارس أي رياضه عشان تحافظ علي صحتك بالاضافه لأن الرياضه بتحسن الصحه العامه والصحه النفسيه كمان. وممكن تكون مشي كل يوم حوالين بيتك وممكن تكون في مركز شباب أو نادي حسب ظروفك وكمان التواجد في النوادي بيزيد معارف حضراتكم لأنك هتقابل ناس وهتتعرف علي ناس جديده من نفس السن وهتندمجو مع بعض جدا. وهتتقابلو كل يوم.
أما الحاجة الأخيره هي زياره دور المسنين لأنهم محتاجين زيارتنا ولانك هتتعرف علي ناس كويسن جدا ولانك هتاخد ثواب كبير .
هي برضو نفس الفكرة لدور الأيتام لأننا علينا دور في مراقبه الإدارات والتأكد من حال الأيتام …
يا رب الناس تستفيد من البوست ده واللي عنده رأي أو إقتراح يا ريت يشاركنا بالرأي. .
ويا ريت اللي شاف البوست ده ينقل الكلام لأي حد يعرفه يكون متقاعد أو علي المعاش.
في تجربه كمان نسيت أذكرها في ناس توجهت لمراكز تعليم التجويد وتحفيظ القرآن. وحرفيا حياتهم اتغيرت تماما و منهم فوق 70 سنه وحصلوا علي شهادات وأصبحوا معلمين للقرآن كمان.
نسعى ومن اول خطوه ربنا هيساعدنا وهتشوفو النتيجه وارجعو احكولنا تجاربكم إن شاء الله عشان نستفيد وغيرنا كمان ناس تستفيد.
تعديل:
1-نتوجه للجمعيات الاول ومن خلالها نعمل زيارات لدور المسنين والأيتام وعلي فكره الكنائس فيها انشطه مشابهه برضو.
2- حياتنا تتقسم عشان تشمل معظم او كل ما سبق…
بمعني
اولا اننا هنمارس الرياضه ان شاءالله ولو 10 دقايق مشي كل واحد حسب قدرته.
ثانيا هنروح جمعيات ونتعرف عليةالانشطه اللي ممكن تنفع نتطوع فيها او الاشتراك فيها …
وعلي اختلاف ادياننا نتوجه لربنا ونخلي جزء من حياتنا نزود فيه العبادة زي تعلم التجويد مثلا
يعني مش بس هنختار حاجه نعملها لا دي حاجات ان شاءالله لازم تبقي في حياتنا الرياضه والخدمه العامه الرقابية وجزء للعبادة وجزء للاهل والعائلة وجزء الهوايه اللي عنده ايةهوايه يقدر من دلوقتي يديها وقت ويستمتع بهوايته . لو في حد عنده أفكار يعمل مشروع او شغل يعمل برضو ..
دي بنسميها دائره الحياه منقسمه للجوانب دي او اكتر ..
ونتشارك الراي والأفكار .
#مروان_لايف_كوتش
#MarwanLifeCoach