رسالتي الي كل من فقد عزيز عليه..
Posted on January 27, 2018 by Marwan Messallam, One of Thousands of Life Coaches on Noomii.
مكتوبه بشكل خاص لاحد معارفي وقد فقدت والدتها مؤخرا ندعو لها بالرحمه لها ولكل من فقدناهم .
ولكن الرساله مفيده ان شاءالله لنا جميعا.
26nov2017
26nov2017
رسالتي الي كل من فقد عزيز عليه..
مكتوبه بشكل خاص لاحد معارفي وقد فقدت والدتها مؤخرا ندعو لها بالرحمه لها ولكل من فقدناهم .
ولكن الرساله مفيده ان شاءالله لنا جميعا.
انتي عارفه اني مريت بالظروف دي من فتره بسيطه مع بابا. .واتعلمت كام حاجه كده ..
الحزن مطلوب وموجود وطبيعي… وما بينتهيش تقريبا لكن صورته بتتغير من خارجي لداخلي مثلا من انه وقت طويل لانه يصبح وقت صغير لمحه خلال اليوم مره او عده مرات …
وطبعا كالعاده دايما بقول انه كلامي عادي ومعروف لكن ساعات بينفع.
الموقف دلوقتي..
1-هي في مكان كويس اكيد ان شاءالله ..اي مرض او الم انتهي..
وربنا رحمته واسعه ف هي كده في احسن حال ان شاءالله .
2- علاقتنا بيها لم تنتهي ولا مفروض نفتقدها (مجازا) ليه؟ لاننا طال الوقت او قصر رايحيين هناك برضوو نتجمع في الجنه ان شاءالله . ففعلا هي سافرت زي ما زمان كانو يقولو للأطفال. . بس هي دي الحقيقة هي سافرت واحنا هنحصلها وشطارتنا نحصلها في نفس المكان ان شاءالله الجنه ..يعني نكون ناس كويسيين احسن مما احنا عليه. عشان خاطرنا وخاطرها ..
طيب بس كده ؟
لا النقط السابقه دي مصلحتنا احنا عشان نكون في مكان افضل وعشان نحاول نغير إحساس الحزن والفقد يعني بنعمل بشكل او اخر لمصلحتنا..
اللي هو كويس طبعا .
لكن في مصلحتها هي؟ ؟ ؟ ؟
الحديث المعروف اذا مات ابن آدم انقطع عمله الا من ثلاث
ولد صالح يدعو له …
يبقي دورك مش بس الدعاء ده دورك كمان تكوني ولد صالح …
طيب ايه كمان؟
صدقه جاريه ..
طيب يبقي نفكر نعملها شئ ما كصدقه جاريه .. سرير في مستشفي جهاز طبي مبلغ في بنك زي وقف ويطلع من ارباحه لعمل خير معين
فكري في ايه اللي ممكن تعمليه صدقه جاريه ليها شئ كبير علي قد استطاعتك طبعا. ..
في ايه تاني في الحديث؟
اخر حاجه. .
علم ينتفع به
طيب هي عملت قد ما عملت لكن لسه في حاجات ممتده من خلال اسرتها وولادها
افتكري هي كانت بتعمل ايه واعمليه
بتدعي بأية ؟ وادعي بيه وعلمي غيرك من اعمالها وكلامها وعلمها وهكذا يفضل كده مستمر فيبقي علم ينتفع به وكله رفع لدرجاتها طبعا ..
وهنتجمع كلنا ان شاءالله ونفرح بالجنة والحياه الجميله اللي هتجمع الناس الكويسين مع بعض..
طولت عليكي بس يعني دي تجربتي اللي سبقتك بفترةبسيطه كان ضروري انقلهالك يمكن تكون مفيده.. رغم بساطتها..
ربنا يرحمنا جميعا ويجمعنا علي خير..
#MarwanLifeCoach
#مروان_لايف_كوتش
